|
Altjóða granskingarverkætlanir
og samstørv
Granskingardepilin fyri
Økismenning samstarvar við granskarar, granskingarstovnar og
universitet í Danmark, Norra, Íslandi, Kanada, og Skotlandi. Í
samstarvi við hesar stovnar luttekur Granskingardepilin fyri
Økismenning í fleiri størri útlendskum granskingarverkætlanum.
Niðanfyri eru styttri lýsingar av útvaldum altjóða verkætlanum,
sum Granskingardepilin fyri Økismenning luttekur í.
PRONE: Precautionary risk methodology in
fisheries
(2006-2008)
Farna heyst gjørdi Granskingardepilin fyri Økismenning
avtalu við University of Portsmouth Higher Education Corporation
um at verða undirveitari til eina EU-verkætlan við heitinum
Precautionary risk methodology in fisheries – stytt PRONE.
PRONE er ein verkætlan innan fiskivinnuna, sum setur fokus á
fiskivinnuumsiting og hóttanir / váðan innan fiskivinnuna í EU
og í Norðuratlantshavi. Høvuðsendamálið við verkætlanini er at
skapa betri skipanir til at meta um hvørjar hóttanir fiskivinnan
hevur, umframt at betra um sjálva fiskivinnuumsitingina, og at
enda at skapa betri skipanir í smb. við kunning um hóttanir
innan fiskivinnuna, t.d. í smb. við hóttar fiskastovnar.
Við í verkætlanini eru granskingarstovnar úr Finnlandi,
Onglandi, Spaniu, Grikkalandi, og Íslandi – og er
Granskingardepilin fyri Økismenning við umboðandi føroyska
partin av verkætlanini. Universitetið í Portsmouth hevur
umsitingarligu ábyrgdina av verkætlanini, meðan finski
professarin í fiskivinnu umsiting, Sakkri Kuikka, er samskipari
av verkætlanini. Verkætlanin fevnir um bæði eina biologiska,
eina búskaparliga og eina samfelagsliga tilgongd.
Føroyski parturin av verkætlanini fevnir m.a. um at gera
kanningar av hvørjar hóttanirnar eru í føroysku fiskivinnuni.
Úrslitið av m.a. hesum kanningum verða brúktar í samanbering við
støðuna hjá fiskivinnuni í øðrum.
Dennis Holm og Bogi Mortensen
luttaka í verkætlanini fyri Granskingardepilin.
Granskingarverkætlanin endar á heysti 2008.
Økonomisk Udvikling i Norden
(2005-2007)
Verkætlan Økonomisk Udvikling i Norden er ein verkætlan,
sum Granskingardepilin fyri Økismenning arbeiðir við í samstarvi
við Bifrost School of Business í Íslandi. Gestur Hovgaard og Bjarni Mortensen
luttaka í verkætlanini fyri Granskingardepilin fyri Økismenning.
Verkætlanin er fíggjað av Nordisk Ministerråd (www.norden.org).
International Society of the
Studies of Marginal Regions (ISSMR)
Granskingardepilin hevur síðan á várið 2000 verið partur av
felagsskapinum ISSMR, sum skipar fyri ráðstevnuni
International Seminar on Marginal Regions, sum fyri fyrstu
ferð var í Føroyum í august 2005. Dennis Holm og
Bjarni Mortensen samskipaðu ráðstevnuna.
Institutions and Innovation
(2003-2004)
Verkætlanin Institutions and Innovation var ein
norðurlendsk verkætlan, sum Granskingardepilin fyri Økismenning
eisini luttók í. Olga Biskupstø og Martha H. Mýri hava luttikið
í verkætlanini, og eru úrslitini av fyrsta partinum av
verkætlanini útgivin í bók. Verkætlanin varð fíggjað av NordRegio
(www.nordregio.se).
Future Challenges to Small
Municipalities
(2003-2004)
Verkætlanin Future Challenges to Small Municipalities var
ein norðurlendsk verkætlan, sum Granskingardepilin fyri
Økismenning luttók í tíðarskeiðinum 2003 - 2004. Gestur Hovgaard
luttók í verkætlanini, umframt at Dennis Holm eisini tók lut í
pørtum av arbeiðinum.
Verkætlanin var eitt samstarv millum Granskingardepilin fyri
Økismenning, Universitetið í Akureyri í Íslandi og Álendsku
Hagstovuna. Verkætlanin er útgivin av NordRegio (www.nordregio.se), sum eisini
fíggjaði verkætlanina.
Coping Strategies and Regional
Policies, Social Capital in Nordic Peripheries
(2000-2002)
Coping Strategies and Regional
Policies, Social Capital in Nordic Peripheries var ein
Norðurlendsk verkætlanin um viðgjørdi Føroyar, Ísland, Grønland,
Svøríki og Finnland. Verkætlanin var partur av tí størru granskingarverkætlnini Future Challanges and Institutional
Preconditions for Regional Development. Gestur Hovgaard
luttók í verkætlanini. Verkætlanin er útgivin av NordRegio (www.nordregio.se).
|
